Serio jokatuz ikastea: enpresako talde-dinamiken balioa
Lan-mundua erritmo bizian aldatzen ari da, eta erronkak gero eta handiagoak dira. Komunikazio eraginkorra eta talde-lana bezalako zeharkako gaitasunak (soft skills) funtsezkoak bihurtu dira. Argi dago lan-kultura eraldatzea behar dugula. Hala ere, erakunde askotan, langileentzako prestakuntzak finkatuta jarraitzen du ikastaro klasikoak dituen metodologia zaharkituan: norbaitek Power Point bat erakusten du, beste pertsona batzuek hari entzuten dioten bitartean. Erosoa parte hartu nahi ez dutenentzat, bai, baina ez oso eraginkorra.
Zergatik merezi du ikasteko modua aldatzea?
Hona hemen funtsezko galdera: nola txertatu daiteke eraldaketa hori prestakuntza-prozesuetan? Eta, batez ere: nola konbentzitu daitezke profil desberdinak horrek merezi izango duelaz? Zuk, taldeen edo Pertsonen Saileko arduradun gisa, aurrerapauso bat ematen duzunean, aldaketa posible bihurtzen da.
Betidanik jokatzen ikasi dugu. Suhiltzaileen brigadek sute-simulakroak egiten dituzte. Abiazioan, simulagailuekin trebatzen dira benetako hegazkin bat gidatu aurretik. Gure bizitzan zehar, jolasa da bizitzen ikasteko dugun modu naturala. Horrek esperimentatzeko, huts egiteko eta hobetzeko ingurune segurua eskaintzen du. Orduan, zergatik ez erabili logika berdina enpresan?
«Serious Games»: berrikuntza taldeen prestakuntzan
Joko serioak (serious games) ikaskuntza esanguratsua sustatzen du esperientzia aktibo eta parte-hartzaileen bidez. Taldeko pertsonek praktikan jartzen dituzte erabakitzeko gaitasuna, lankidetza-estrategiak eta gatazkak kudeatzeko moduak. Tresna bat, ikasteko metodologia berritzaile bat, enpresentzako sormenezko aholkularitza metodologia batda, eta, ezagutzak transmititzeaz gain, talde bat kohesionatzeko eta motibatzeko modua eraldatu nahi du.
Erakunde asko zalantzan daude oraindik. Hala ere, neurozientziak erakutsi duenez, jokoak dopamina askatzen du, eta horrek oroimena, sormena eta motibazioa sustatzen ditu. Gainera, ingurune seguru batean huts egiteak eta horretatik ikasteak egokitzeko gaitasuna eta berrikuntza-prozesuak hobetzen ditu.
Barne-kultura eraldatzea jolasaren bidez
Prestakuntza tradizionalak oso gutxitan eragiten ditu aldaketa sakonak. Aitzitik, talde-dinamikek eta «serious games» izenekoek ikaskuntza esperimentalak eskaintzen dituzte, esparru soziala, hezkuntza-esparrua edo esparru aeroespaziala bezalakoetan finkatutako metodologiekin.
Kontua ez da zuk pertsonalki metodologia horiek gustuko izatea, edo gamifikazioa interesatzen zaizun, baizik eta une honetan horiek zure erakundearentzat baliagarriak izan daitezkeen edo ez. Izan ere, talde-lanak, adimen kolektiboak eta kohesioak dira krisialdi baten aurrean erakundeari eusten diotenak.
Online zein aurrez aurre bada ere, denbora errealean ematen diren talde-dinamikek, taldea modu kooperatiboan lan egitera bideratzeaz gain, gertatu denari, ikasi dutenari eta antzeman dutenari buruz hausnartzera ere eramaten dute, eta benetako aurrerapenak errazten dituzte.
Galdera argi dago: Ausartzen al zara zure enpresako prestakuntza-metodoak eraldatzen, ikasteko, parte hartzeko eta gogoeta estrategikoa egiteko modu berriei bidea irekitzeko?
Hitz egin dezagun metodologia parte-hartzaileei buruz. Eman diezaiogun forma zure erakundearen erronka zehatzei erantzuteko diseinatua dagoen neurrira egindako esperientzia bati.